The Power and Depth of Urdu Short Stories: A Timeless Literary Treasure

اردو افسانہ نثر کی ایک مقبول صنف ہے جو مختصر مگر مؤثر انداز میں کہانی بیان کرتی ہے۔ اس میں انسانی جذبات، سماجی مسائل اور زندگی کے مختلف پہلوؤں کی عکاسی کی جاتی ہے۔ اردو افسانہ نگاری میں منٹو، بیدی، عصمت چغتائی اور قرۃ العین حیدر جیسے نامور ادیبوں نے گراں قدر خدمات انجام دی ہیں۔ یہ صنف قاری کو سوچنے پر مجبور کرتی ہے اور بعض اوقات کسی گہری حقیقت کو اجاگر کرتی ہے۔ اردو افسانے کی زبان عام فہم اور انداز دل نشین ہوتا ہے، جو اسے قارئین کے لیے مزید دلکش بناتا ہے۔

آوازِاردوکےزمرہءِافسانہ کی اس ویڈیوکےلئے اقبال مجید کےایک افسانےکا انتخاب کیاہے۔ اقبال مجید اردو افسانے کے نمایاں ناموں میں شامل ہیں۔ وہ 12 جولائی 1934 کو مرادآباد میں پیدا ہوئے اور تقریباً 60 سال تک افسانوی ادب میں سرگرم رہے۔ ان کے افسانے انسانی نفسیات، سماجی مسائل اور فرقہ واریت جیسے موضوعات پر مبنی ہیں۔ “دو بھیگے ہوئے لوگ”، “ایک حلفیہ بیان” اور “تماشا گھر” جیسے مجموعے ان کی فنی مہارت کے عکاس ہیں۔ انہوں نے اردو افسانے میں جدیدیت اور حقیقت پسندی کو ہم آہنگ کیا۔ چھ افسانوی مجموعوں  کے علاوہ اقبال مجید نے ’’ قصئہ رنگ شکستہ ‘‘ میں اپنے ہر دور کے منتخب کل ۲۱  افسانوں کو بھی یکجا کیا ہے۔ جو ۲۰۱۱ء میں کراچی، پاکستان سے شائع ہوا۔اسی مجموعے سےایک افسانہ اس ویڈیومیں سنایاجارہاہے۔

یہ افسانہ دراصل ایک وفات نامہ ہے۔ یہ ایسی تحریرہوتی ہے گویامصنف نےاپنی وفات کےبعدلکھی ہے۔

یہ اردوافسانے کی ایک خاص صنف ہے جسے بہت سےنامورمصنفین نےتحریرکیاہے۔ اقبال مجیدمرحوم نےبھی اپنی زندگی میں اپناوفات نامہ اس طرح تحریر کیا، گویاکہ وہ عالمِ ارواح سےلکھ رہےہوں۔ اپنےزمانےکےکئی ادیبوں کاتذکرہ اوران کےبارے میں اپنےخیالات کا اظہارانہوں نے اس افسانےمیں کیاہے۔ کچھ اعترافات ہیں اورکچھ شکایتیں۔ انہوں نےاپنےپیچھے زندہ رِہ جانےوالوں کوکچھ نصیحتیں بھی کی ہیں۔ اس طرح کی تحریروں میں مصنف وہ باتیں بھی کہہ جاتےہیں، جوعام طور سےاپنےہم عصروں کےسامنے نہیں کہہ سکتے۔ اسی لئے یہ صنف مصنفین میں مقبول ہے