Last Days of Allama Iqbal reveals a deeply moving chapter of the life of one of the greatest Muslim poets, thinkers, and philosophers of the modern era. His final days were marked by severe illness, physical weakness, spiritual strength, concern for the Muslim community, and an enduring connection with the Quran. The account of these final moments, discussed in Dr Rafiuddin Hashmi’s book Allama Iqbal: Personality and Art, offers a different perspective on the man behind the poetry.
Allama Muhammad Iqbal was much more than a poet. He was a philosopher, thinker, reformer, and a passionate voice for the intellectual and spiritual revival of Muslims in the Indian subcontinent. His poetry emphasised selfhood, courage, action, unity, and freedom. Yet, to understand the depth of his personality, it is also important to look at his final years and the circumstances surrounding his death.
Allama Iqbal and His Deep Connection with the Quran
One of the most remarkable aspects of the Last Days of Allama Iqbal was his continued spiritual attachment to the Quran.
According to Dr Rafiuddin Hashmi’s account, Iqbal had developed the habit of reciting the Quran from an early age. He was known for his beautiful recitation, and those who heard him described the experience as deeply moving.
His longtime servant, Ali Bakhsh, who remained associated with Iqbal for around thirty-five years, also recalled that morning prayer, followed by Quran recitation, was an important part of his daily routine for many years.
As Iqbal’s health deteriorated, however, his eyesight became increasingly weak. This made it difficult for him to read and eventually prevented him from reciting the Quran himself as he once had. Even then, he tried to listen to the recitation of skilled Quran readers.
One particularly emotional incident involved an Arab scholar who visited Iqbal and recited verses from the Quran. According to Doris Ahmed, Iqbal listened to the recitation while tears continued to flow from his eyes. The scene demonstrated how deeply the Quran was connected with his spiritual life.
Declining Health and Physical Suffering
The Last Days of Allama Iqbal were also marked by serious physical suffering.
Iqbal had experienced poor eyesight since childhood, but his eye problems became significantly worse in 1937 when cataracts began developing. His deteriorating eyesight made reading increasingly difficult. At times, he could not even recognise people approaching him.
His correspondence also became dependent on others. People such as Chaudhry Muhammad Hussain, Syed Nazir Niazi, Mian Muhammad Shafi, Doris Ahmed, Munshi Tahiruddin, Dr Abdul Hamid Malik, and his son Javed Iqbal assisted him with letters and reading.
Doctors had planned an operation for his cataract, but his respiratory condition caused the procedure to be postponed.
His health continued to decline. He suffered from severe asthma and cardiac weakness, while breathing became increasingly difficult. His condition worsened considerably during the final months of his life.
Iqbal’s Courage in the Face of Death
Despite his declining health, Iqbal did not appear to be overwhelmed by fear.
The Last Days of Allama Iqbal reveal a man who understood that his life was approaching its end but tried to face death with patience and acceptance. He reportedly told people close to him that when death came, God willing, it would find him smiling.
He also expressed a similar thought to his elder brother, Sheikh Ata Muhammad, saying that he was not afraid of death and would welcome it with a smile.
This attitude is particularly significant when viewed alongside Iqbal’s philosophy. His writings repeatedly emphasise courage, action, selfhood, and spiritual strength. His response to his own illness therefore appears consistent with the intellectual and spiritual ideals expressed throughout his life.
Concern for the Muslim Community
Even when his physical condition was deteriorating, Iqbal’s concern for Muslims did not disappear.
During his final illness, he continued thinking about the condition and future of the Muslim community. In one particularly revealing account, Hakim Muhammad Hasan Qureshi described how Iqbal spent a night thinking deeply about Muslims and eventually became extremely emotional.
This episode provides an important insight into Iqbal’s personality. His concern for the Muslim community was not merely a theme in his poetry or political thought. It remained a deeply personal concern even during his final days.
His physical body was becoming weaker, but his intellectual and emotional engagement with the problems of his community remained alive.
The Final Days at Javed Manzil
The final chapter of the Last Days of Allama Iqbal unfolded at Javed Manzil in Lahore.
Shortly before his death, Iqbal continued meeting visitors and discussing various matters. A German friend, Baron von Waltheim, visited him the day before his death. Iqbal spoke with him about their student days in Germany and, for a while, appeared to forget his physical pain.
Other friends also visited, and conversations about contemporary politics continued.
The atmosphere at Javed Manzil during those final hours was both peaceful and heartbreaking. Spring was coming to an end, flowers were still blooming in the garden, and the surroundings were filled with the fragrance of flowers.
Iqbal was lying on a charpoy in the garden before it was brought inside as night fell.
A Child’s Last Meeting with Iqbal
One of the most touching moments described in the account is Iqbal’s final interaction with Moniro, a child who came and embraced him.
When Doris Ahmed later tried to take the child inside, Moniro wanted to remain with Iqbal for a little longer. Iqbal then smiled and remarked that perhaps the child’s intuition was telling her that this was her last meeting with “Baba.”
The incident adds an intensely human dimension to the Last Days of Allama Iqbal. Beyond the famous poet, philosopher, and political thinker was a father and grandfather surrounded by people who loved him.
The Final Night
As midnight approached, many visitors gradually left Javed Manzil.
Iqbal initially remained peaceful, but later became restless and could not sleep. Doctors were nearby, and his condition was being carefully observed.
The night grew darker and quieter.
Then Ali Bakhsh suddenly called Dr Abdul Qayyum. The doctor rushed inside and checked Iqbal’s pulse.
The great poet had passed away.
Outside, Lahore was echoing with the sound of the call to prayer. In this deeply symbolic moment, the man who had spent his life urging Muslims to awaken to their spiritual identity had departed from this world.
The Legacy Behind the Last Days of Allama Iqbal
The Last Days of Allama Iqbal cannot be understood simply as a story of illness and death. They provide a window into the spiritual and intellectual character of Iqbal himself.
His attachment to the Quran remained powerful. His concern for Muslims continued until the end. His physical suffering did not destroy his courage, and his attitude toward death reflected the spiritual confidence that appears throughout his thought and poetry.
This is why the final period of Iqbal’s life deserves attention alongside his famous literary works.
Dr Rafiuddin Hashmi’s Important Contribution
Dr. Rafiuddin Hashmi was a distinguished Urdu researcher, critic, teacher, bibliographer, and Iqbal scholar. Much of his scholarly life was devoted to research on Iqbal, Iqbal studies, and the preservation and analysis of important sources.
His book Allama Iqbal: Personality and Art was published by the Academy of Letters Pakistan, Islamabad, in 2008 and contains 280 pages. Rather than presenting Iqbal simply as a poet, the book explores different dimensions of his personality, life, intellectual development, and artistic achievements.
The importance of the book lies partly in its effort to examine Iqbal through research and evidence rather than through admiration alone. It also discusses aspects of his personal life and corrects or clarifies certain accounts and misunderstandings found in Iqbal’s biography.
Dr Rafiuddin Hashmi passed away in Lahore on January 25, 2024, but his scholarly work continues to provide valuable material for students and researchers of Iqbal and Urdu literature.
Why Iqbal’s Final Journey Still Matters
The story of the Last Days of Allama Iqbal remains relevant because it reveals the human being behind the legend.
Iqbal suffered from serious illness, struggled with declining eyesight and breathing difficulties, and knew that his life was approaching its end. Yet his thoughts remained connected with the Quran, spirituality, and the future of Muslims.
His death did not end his intellectual influence. Instead, his ideas continued to inspire generations of readers, scholars, poets, and thinkers.
For anyone interested in Allama Iqbal’s life, philosophy, poetry, spirituality, and final days, Dr Rafiuddin Hashmi’s Allama Iqbal: Personality and Art offers an important introduction to the lesser-known dimensions of his personality.
The Last Days of Allama Iqbal therefore represent not merely the closing chapter of a great man’s life, but a powerful reminder of the values that shaped his thought: faith, selfhood, courage, intellectual awakening, and concern for the future of the Muslim community.
If you would like to explore this remarkable account in Urdu, listen to the related Urdu audio content and discover more about Iqbal’s final days, his spiritual connection with the Quran, and Dr Rafiuddin Hashmi’s important work on the life and personality of Allama Iqbal.
If you’re interested in reading this book, click the link below to download it for free.
https://drive.google.com/file/d/1QUupkdG8-AOM8EyT8oJd_Vro2oFgvU0W/view?usp=sharing
If you’d like to listen to this book in audio format, click the CONTACT button below to get in touch with the AwazeUrdu team to order the audiobook.
You can also watch the same video on these social media platforms.
Want to explore Dr. Rafiuddin Hashmi’s literary work beyond Iqbal studies? Read his insightful article, The Power and Pitfalls of Biographical Sketch: A Literary Perspective, published on AwazeUrdu, and discover another important dimension of his contribution to Urdu literary scholarship.
علامہ اقبال: شخصیت اور فن از ڈاکٹر رفیع الدین ہاشمیؒ
برصغیر کے مسلمانوں کی تاریخ میں حضرت علامہ محمد اقبالؒ کا نام محض ایک عظیم شاعر کے طور پر نہیں لیا جاتا، بلکہ وہ ایک ایسے مفکر، فلسفی، مصلح اور درد مند رہنما کی حیثیت رکھتے ہیں جنہوں نے غلامی کے دور میں ہندوستانی مسلمانوں کو اپنی جداگانہ تہذیبی اور ملی شناخت کا احساس دلایا۔ ان کی شاعری نے مسلمانوں کے اندر خودی، خود اعتمادی، عمل، اتحاد اور آزادی کا جذبہ پیدا کیا، جبکہ ان کی سیاسی فکر نے مسلمانوں کے مستقبل کے بارے میں ایک واضح سمت متعین کرنے میں اہم کردار ادا کیا۔ 1930ء کے خطبۂ الٰہ آباد میں انہوں نے شمال مغربی ہندوستان کے مسلم اکثریتی علاقوں کو ایک مربوط مسلم ریاست کی صورت میں دیکھنے کی خواہش ظاہر کی، جو بعد کے سیاسی سفر میں ایک اہم فکری حوالہ بن گئی۔
اقبالؒ کی عظمت کا ایک پہلو یہ بھی ہے کہ ان کی وفات کے بعد ان کی شخصیت، فکر، شاعری، فلسفے، سیاسی نظریات، خطوط، سوانح اور مختلف علمی و فنی پہلوؤں پر اتنا وسیع کام ہوا کہ ’’اقبالیات‘‘ خود اردو تحقیق و تنقید کا ایک مستقل شعبہ بن گئی۔ ڈاکٹر رفیع الدین ہاشمیؒ کے مطابق اقبال کی زندگی ہی میں ان کی عظمت کا اعتراف شروع ہو چکا تھا اور اب تک سینکڑوں ’’اقبال نمبر‘‘ شائع ہو چکے ہیں۔
اقبالیات کے اس وسیع علمی منظرنامے میں ڈاکٹر رفیع الدین ہاشمیؒ کا نام خصوصی اہمیت رکھتا ہے۔ وہ محض اقبال کے مداح نہیں بلکہ ایک محقق اور اقبال شناس تھے، جنہوں نے اپنی زندگی کا ایک بڑا حصہ اقبال کے فکر و فن، سوانح اور اقبالیاتی ماخذ کی تحقیق و تدوین میں صرف کیا۔ ان کی تصانیف میں ’’خطوطِ اقبال‘‘، ’’کتابیاتِ اقبال‘‘، ’’اقبال: مسائل و مباحث‘‘، ’’اقبالیات کے سو سال‘‘، ’’تحقیقِ اقبالیات کے مآخذ‘‘ اور ’’اقبالیات: تفہیم و تجزیہ‘‘ جیسی اہم کتابیں شامل ہیں۔
اسی سلسلے میں ان کی ایک اہم کتاب ’’علامہ اقبال: شخصیت اور فن‘‘ ہے، جس میں انہوں نے نسبتاً مختصر دائرۂ کار میں اقبال کی شخصیت، زندگی، فکر اور فن کے مختلف پہلوؤں کو سمیٹنے کی کوشش کی ہے۔ یہ کتاب محض ایک روایتی سوانح نہیں بلکہ تحقیق اور تنقید کے امتزاج سے اقبال کو سمجھنے کی ایک سنجیدہ کوشش ہے۔
ڈاکٹر رفیع الدین ہاشمیؒ اردو زبان و ادب کے ممتاز محقق، نقاد، استاد، اقبال شناس اور کتب شناس تھے۔ 1969ء میں محکمۂ تعلیم پنجاب سے وابستہ ہوئے اور مختلف تعلیمی اداروں میں تدریسی خدمات انجام دینے کے بعد 1982ء میں اورینٹل کالج، لاہور سے منسلک ہوئے، جہاں بعد ازاں شعبۂ اردو کے چیئرمین اور پروفیسر کی حیثیت سے بھی خدمات انجام دیں۔ وہ جامعۂ پنجاب کے شعبۂ اقبالیات سے بھی وابستہ رہے اور ریٹائرمنٹ کے بعد ہائر ایجوکیشن کمیشن کے پروفیسر مقرر ہوئے۔
ڈاکٹر رفیع الدین ہاشمیؒ کا شمار برصغیر کے ممتاز اقبال شناسوں میں ہوتا ہے۔ اقبالیات، اردو تحقیق اور تنقید کے میدان میں ان کی درجنوں تصانیف شائع ہوئیں۔ ’’اقبال کی طویل نظمیں‘‘، ’’کتابیاتِ اقبال‘‘، ’’تحقیقِ اقبالیات کے مآخذ‘‘، ’’اقبالیات کے سو سال‘‘ اور ’’علامہ اقبال: شخصیت اور فن‘‘ ان کے علمی کام کی وسعت کا اندازہ لگانے کے لیے کافی ہیں۔ ان کی علمی دلچسپی صرف اقبالیات تک محدود نہیں تھی؛ وہ سفرنامہ نگار بھی تھے اور انہوں نے ’’پوشیدہ تری خاک میں‘‘ اور ’’سورج کو ذرا دیکھ‘‘ جیسے سفرنامے بھی تحریر کیے۔ 2002ء میں انہوں نے تحقیقی مجلے ’’بازیافت‘‘ کا اجرا بھی کیا۔
ان کی شخصیت کی سب سے نمایاں خصوصیت علمی دیانت اور تحقیق سے وابستگی تھی۔ وہ کتاب اور مطالعے کو محض معلومات حاصل کرنے کا ذریعہ نہیں سمجھتے تھے بلکہ اسے علمی اور تہذیبی ورثے کی حفاظت کا وسیلہ تصور کرتے تھے۔ اقبال کے حوالے سے ان کی متعدد تصانیف اس بات کی گواہی دیتی ہیں کہ انہوں نے اقبالیات کو جذباتی عقیدت کے بجائے تحقیق، حوالہ اور علمی تنقید کے اصولوں کے ساتھ آگے بڑھانے کی کوشش کی۔
ڈاکٹر رفیع الدین ہاشمیؒ 25 جنوری 2024ء کو لاہور میں وفات پا گئے، لیکن ان کا علمی سرمایہ آج بھی اقبال اور اردو تحقیق کے طلبہ کے لیے ایک اہم ماخذ کی حیثیت رکھتا ہے۔
ڈاکٹر رفیع الدین ہاشمیؒ کی کتاب ’’علامہ اقبال: شخصیت اور فن‘‘ اقبالیات کے مطالعے میں ایک اہم تحقیقی و تنقیدی کاوش ہے۔ یہ کتاب 2008ء میں اکادمی ادبیات پاکستان، اسلام آباد سے شائع ہوئی اور اس کے 280 صفحات ہیں۔ کتاب میں اقبال کی سوانح، شخصیت اور فکری و فنی زندگی کے مختلف پہلوؤں کو موضوع بنایا گیا ہے۔
اس کتاب کی اہمیت اس بات میں ہے کہ مصنف نے علامہ اقبالؒ کو صرف ایک شاعر کے طور پر پیش نہیں کیا بلکہ ان کی شخصیت کے متعدد پہلوؤں کو سامنے لانے کی کوشش کی ہے۔ اقبال شاعر بھی تھے، فلسفی بھی، مفکر بھی اور امتِ مسلمہ کے حالات پر گہری نظر رکھنے والے ایک صاحبِ درد انسان بھی۔ اسی لیے ان کی شخصیت کو کسی ایک زاویے سے دیکھنا ممکن نہیں۔ کتاب کے ابواب بھی اقبال کی زندگی کے مختلف ادوار، ان کے علمی ذوق، سیاسی سرگرمیوں، فکری ارتقا اور شخصی زندگی کے مختلف پہلوؤں کو سامنے لاتے ہیں۔
مصنف نے بعض ایسے واقعات اور روایات بھی پیش کی ہیں جو اقبال کی عمومی سوانح میں کم دکھائی دیتے ہیں، جبکہ سوانحِ اقبال میں موجود بعض بیانات کی تصحیح اور غلط فہمیوں کے ازالے کی کوشش بھی کی ہے۔ یہی وجہ ہے کہ یہ کتاب اقبال کی شخصیت کو محض عقیدت کی نظر سے دیکھنے کے بجائے اسے تاریخی اور تحقیقی شواہد کی روشنی میں سمجھنے میں مدد دیتی ہے۔
علامہ اقبالؒ کی شخصیت کا ایک نہایت اہم پہلو ان کی قرآنِ کریم سے گہری وابستگی ہے۔ ڈاکٹر رفیع الدین ہاشمیؒ نے اپنی کتاب میں اقبال کے آخری ایام اور وفات کے واقعات بیان کرتے ہوئے ان کے معمولاتِ زندگی کا یہ روحانی پہلو بھی سامنے رکھا ہے۔
علامہ اقبالؒ اوائلِ عمر ہی سے تلاوتِ قرآنِ پاک کے عادی تھے اور نہایت خوش الحانی سے قرآن کریم کی تلاوت کیا کرتے تھے۔ کبھی کبھی وہ رات اپنے دوست مرزا جلال الدین کے ہاں بھی گزار دیتے تھے۔ مرزا صاحب ان ایام کا ذکر کرتے ہوئے بتاتے ہیں کہ جب ڈاکٹر صاحب رات ان کے ہاں قیام کرتے تو صبح اٹھ کر نماز ادا کرتے اور اس کے بعد بڑی خوش الحانی سے دیر تک قرآن کریم کی تلاوت کرتے۔ ان کی تلاوت سن کر ایک عجیب کیفیت طاری ہو جاتی تھی۔ پھر چائے پینے کے بعد وہ اپنے گھر چلے جایا کرتے تھے۔
اقبالؒ کے خادمِ خاص علی بخش تقریباً پینتیس برس تک ان کے شب و روز، سفر و حضر اور معمولاتِ زندگی کے رفیق رہے۔ ان کی روایت کے مطابق صبح کی نماز اور قرآن خوانی ایک طویل عرصے تک علامہ کا معمول رہی۔ وہ قرآن بلند آواز سے پڑھتے تھے اور ان کی آواز اس قدر شیریں تھی کہ ان کی زبان سے قرآن سن کر دل متاثر ہوئے بغیر نہیں رہتا تھا۔
تاہم زندگی کے آخری دور میں بیماری کے باعث یہ معمول برقرار نہ رہ سکا۔ اقبالؒ کی آنکھوں کی بینائی بھی کمزور ہوتی چلی گئی تھی اور جسمانی بیماریوں نے انہیں اس قابل نہیں چھوڑا تھا کہ پہلے کی طرح خود تلاوت کر سکیں۔ اس تبدیلی کا انہیں ہمیشہ قلق رہا۔ جب خود تلاوت نہ کر سکتے تو کوشش کرتے کہ کسی اچھے قاری کی تلاوت سنیں۔
ڈورس احمد ایک موقع کا ذکر کرتی ہیں کہ ایک روز ایک عرب عالم ان سے ملنے آئے۔ اس موقع پر ڈاکٹر اقبالؒ نے ڈورس احمد سے کہا کہ بچوں کو ان کے پاس لے آئیں، کیونکہ عرب مہمان قرآن پاک کی تلاوت کریں گے۔ اگر وہ بھی تلاوت سننا چاہیں تو سامعین میں شامل ہو سکتی ہیں۔ ڈورس احمد کے مطابق عرب مہمان نہایت خوش الحان تھے۔ جب تک وہ آیاتِ مقدسہ کی تلاوت کرتے رہے، ڈاکٹر اقبالؒ روتے رہے۔ اگرچہ ڈورس احمد آیات کا مفہوم سمجھنے سے قاصر تھیں، لیکن قاری صاحب کی حسنِ قرأت نے جو کیفیت پیدا کی، اس سے وہ بہت متاثر ہوئیں۔ بچے بھی مسحور تھے اور ڈاکٹر اقبالؒ پر تو گویا وجد کی کیفیت طاری تھی۔
علامہ اقبالؒ کی ایک آنکھ بچپن ہی سے کمزور تھی، لیکن مارچ 1937ء میں ان کی آنکھوں میں موتیا اترنا شروع ہوا تو مطالعے میں مزید دشواری پیش آنے لگی۔ رفتہ رفتہ نظر اس قدر کمزور ہو گئی کہ بعض اوقات وہ آنے والوں کو پہچان بھی نہیں پاتے تھے۔ خطوط کے جوابات بھی عموماً دوسروں سے لکھوایا کرتے۔ آخری زمانے میں ان کے خطوط لکھنے والوں میں چودھری محمد حسین، سید نذیر نیازی، میاں محمد شفیع، ڈورس احمد، منشی طاہر الدین، ڈاکٹر عبد الحمید ملک اور جاوید اقبال شامل تھے۔ کبھی کبھار جاوید اقبال انہیں اخبار پڑھ کر سناتے، جبکہ انگریزی مخطوطات مسز ڈورس احمد پڑھ کر سنایا کرتی تھیں۔ اشعار قلم بند کرنے اور انہیں بیاض میں درج کرنے کی ذمہ داری عموماً سید نذیر نیازی انجام دیتے تھے۔
ڈاکٹروں نے فیصلہ کیا تھا کہ مارچ 1938ء میں موتیے کا آپریشن کیا جائے گا، لیکن علامہ کی دمے کی شکایت کے پیش نظر اسے ستمبر تک ملتوی کر دیا گیا۔ اس وقت تک اقبالؒ اپنی جسمانی کمزوری اور بیماری کے باوجود صبر و شکر کے ساتھ زندگی گزار رہے تھے۔
وہ خود اپنی کیفیت کو ’’دائم العلیل‘‘ کی زندگی سے تعبیر کرتے تھے، تاہم ان کی طبیعت میں مایوسی کے بجائے صبر اور رضا نمایاں تھی۔ وہ دوستوں سے کہا کرتے تھے کہ جب موت آئے گی تو ان شاء اللہ مجھے مسکراتا ہوا پائے گی۔ انہیں اپنی گرتی ہوئی صحت کا بخوبی ادراک تھا اور وہ اپنی طور پر دنیاے فانی کو الوداع کہنے کے لیے تیار دکھائی دیتے تھے۔
ایک موقع پر انہوں نے اپنے بڑے بھائی شیخ عطا محمد سے بھی کہا:
’’بھائی صاحب! میں موت سے نہیں ڈرتا، ان شاء اللہ مسکراتے ہوئے اس کا استقبال کروں گا۔‘‘
ممبر صاحب کے مطابق ان دنوں اقبالؒ نے یہ خیال کئی لوگوں کے سامنے دہرایا اور ساتھ ہی اپنا یہ شعر بھی سنایا:
آخری عمر میں موسمِ سرما کی آمد کے ساتھ ہی ان کے بلغم کی مقدار میں اضافہ ہوتا گیا۔ دواؤں سے اس میں کچھ کمی تو ہوئی، مگر دمۂ قلبی بڑھتا گیا۔ ذرا سی حرکت سے سانس پھول جاتا اور رات کو بھی تکلیف رہتی۔ دمے کی اصل وجہ قلب کی کمزوری تھی۔ اقبالؒ تقریباً پچیس تیس برس سے مسلسل تمباکو نوشی کرتے رہے تھے اور یہی عادت ان کی بیماریوں کی ایک بڑی وجہ بنی، مگر حقہ نوشی انہوں نے آخری وقت تک ترک نہیں کی۔
آخری علالت کے ایام میں اقبالؒ کو دمہ کے ایسے شدید اور متواتر دورے پڑتے کہ وہ تقریباً بے ہوش ہو جاتے۔ اس صورتِ حال کا ایک افسوس ناک پہلو یہ بھی تھا کہ دم پھولنے سے ابھی مکمل فراغت بھی نہ ہوتی کہ علی بخش تازہ تمباکو بھر کر حقہ حاضر کر دیتا۔
اپریل میں ان کی حالت دیکھ کر احباب تشویش میں مبتلا ہو گئے۔ حکیم اور ڈاکٹر ان کا معائنہ کرتے، دوائیں تبدیل کرتے، مگر کوئی خاطر خواہ افاقہ نہیں ہو رہا تھا۔ ان کے پھیپھڑوں میں پانی بھر گیا تھا جس کے باعث خون میں آکسیجن کی مقدار کم ہونے لگی۔ اپریل میں دمے کے حملے زیادہ شدید ہو گئے اور بلغم میں خون بھی آنے لگا۔
نو اپریل کو ممنون حسن خان کے نام لکھے گئے خط میں اقبالؒ نے زندگی سے مایوسی کا اظہار کیا۔ چہرے اور پاؤں پر ورم آگیا تھا جو بعد میں پورے جسم تک پھیل گیا۔ 18 اپریل کو سید نذیر نیازی نے مولانا مودودی کو ایک خط میں علامہ کا یہ پیغام پہنچایا:
’’جلد لاہور تشریف لائیے، تاکہ ملاقات ہو جائے۔‘‘
نیازی صاحب نے اپنے طور پر مولانا کو لکھا تھا کہ ڈاکٹر صاحب قبلہ کی حالت نہایت اندیشہ ناک ہے اور ایک لمحے کا بھی بھروسا نہیں۔
اس پیغام سے اندازہ ہوتا ہے کہ اس تشویش ناک حالت میں بھی اقبالؒ کا ذہن فعال تھا اور وہ امت کے مسائل کی طرف برابر متوجہ تھے۔ ان کی جسمانی حالت بگڑ رہی تھی، لیکن ان کے دل میں مسلمانوں کی فکر آخری وقت تک زندہ رہی۔
حکیم محمد حسن قرشی لکھتے ہیں کہ ایک رات وہ اقبالؒ کو نسبتاً اچھی حالت میں چھوڑ کر آئے۔ نبض کی رفتار امید افزا تھی، مگر صبح جا کر نبض دیکھی تو بہت خفیف تھی۔ وہ پریشان ہوئے اور شفیع صاحب کو الگ لے جا کر صورتِ حال دریافت کی تو معلوم ہوا کہ اقبالؒ رات مسلمانوں کے متعلق سوچتے رہے اور پھر شدت سے روتے رہے۔ اس وقت ان پر دیر تک رقت کی کیفیت طاری رہی اور خطرہ پیدا ہو گیا کہ ان کے قلب کی حرکت رک جائے۔
وفات سے ایک روز قبل سہ پہر کے وقت علامہ کے ایک جرمن دوست بیرن فان والٹائم ملاقات کے لیے آئے۔ اقبالؒ کے قیامِ جرمنی کے زمانے میں غالباً وہ بھی شیر منزل کے مکین تھے۔ علامہ ان سے زمانۂ طالب علمی کی باتیں کرتے رہے اور کچھ دیر کے لیے اپنا دکھ درد بھول گئے۔ ان کے جانے کے بعد بھی کچھ احباب آگئے اور سیاسیاتِ حاضرہ پر گفتگو ہوتی رہی۔
آخری شب جب معالجین جاوید منزل میں جمع ہوئے تو انہیں بتایا گیا کہ گزشتہ شام سے علامہ کے بلغم میں خون آرہا ہے۔ معالجین کے نزدیک یہ انتہائی تشویش ناک علامت تھی۔ اس کی بھنک اقبالؒ کے کان میں بھی پڑ چکی تھی اور احباب کی سرگوشیاں بھی معنی خیز تھیں۔ جاوید اقبال کہتے ہیں کہ انہیں یقین ہو گیا تھا کہ ان کے والد کی موت کا وقت قریب آ پہنچا ہے، لیکن اس کے باوجود وہ ضرورت سے زیادہ ہشاش بشاش نظر آ رہے تھے۔
سید نذیر نیازی بتاتے ہیں کہ ڈاکٹر عبدالقیوم کے مطابق فیملی ڈاکٹر جمعیت سنگھ نے ایک ٹیکہ تجویز کیا، لیکن اس سے پہلے امونیم کلورائیڈ پلانا ضروری تھا۔ جب یہ دوا پلائی گئی تو علامہ بہت بدمزہ ہوئے اور فرمایا:
’’تم ڈاکٹروں کی دوائیں بدمزہ ہوتی ہیں، یہ دوائیں غیر انسانی ہیں۔‘‘
حکیم قرشی نے خمیرۂ گاؤ زبان عبری کی ایک خوراک کھلائی جس سے انہیں کچھ سکون ہوا۔ طے ہوا کہ ٹیکہ اگلی صبح لگایا جائے گا۔ ڈاکٹر عبدالقیوم رات وہیں ٹھہر گئے۔
رخصت ہوتی ہوئی بہار کے یہ آخری دن تھے۔ ابھی جاوید منزل کے چمن میں پھول کھلنا بند نہیں ہوئے تھے۔ اس شام جاوید منزل کا لان پھولوں کی خوشبو سے مہک رہا تھا۔ علامہ اقبالؒ باہر لان میں بچھی چارپائی پر لیٹے ہوئے تھے۔ رات اترنے پر جب چاندنی پھیلنے لگی تو چارپائی اندر گول کمرے میں لائی گئی۔
اتنے میں منیرو آکر ان سے لپٹ گئی۔ ڈورس احمد بھی قریب بیٹھ کر مزاج پرسی کرنے لگیں۔ کچھ دیر بعد جب انہوں نے منیرو کو اندر لے جانا چاہا تو اس نے کچھ دیر اور بابا کے پاس بیٹھے رہنے پر اصرار کیا۔ علامہ اقبالؒ نے مسکرا کر ڈورس احمد سے کہا:
’’اس کی حس اسے بتا رہی ہے کہ بابا کے ساتھ یہ تمہاری آخری ملاقات ہے۔‘‘
رات بارہ بجے تک بہت سے لوگ وہاں موجود رہے، پھر ایک ایک کرکے چلے گئے۔ ابتدا میں علامہ پر سکون رہے، لیکن بعد میں بے چینی ہونے لگی اور نیند بھی نہ آئی۔ ایک روایت یہ بھی ہے کہ جب وہ زیادہ بے چین ہوئے تو حکیم محمد حسن قرشی کو بلا بھیجا گیا، مگر وہ نہ مل سکے۔ ڈاکٹر عبدالقیوم بھی سستانے کے لیے باہر لان میں آکر لیٹ گئے تھے۔
رات گہری ہو چکی تھی اور ستارے ماند پڑتے جا رہے تھے۔
اچانک علی بخش نے چیخ کر ڈاکٹر عبدالقیوم کو بلایا۔ وہ اٹھے اور تیزی سے اندر پہنچے۔ انہوں نے علامہ اقبالؒ کی نبض ٹٹولی۔
انا للہ وانا الیہ راجعون!
لاہور کی فضا اذانوں سے گونج رہی تھی اور علامہ اقبالؒ کی روح اللہ اکبر کی انہی صداؤں کے بیچ ملاءِ اعلیٰ کی جانب محوِ پرواز تھی۔ علی بخش ان کے قدموں سے لپٹ کر پھوٹ پھوٹ کر سسکیاں لے رہا تھا اور علامہ کا بے جان جسم چارپائی پر خاموش پڑا تھا۔
یوں وہ شخص دنیا سے رخصت ہوا جس نے اپنی شاعری میں مسلمان کو اس کی کھوئی ہوئی خودی کا شعور دیا، غلامی کے اندھیروں میں امید کی شمع روشن کی اور اپنی فکر کے ذریعے ایک پوری ملت کو اپنے مستقبل کے بارے میں سوچنے پر مجبور کیا۔
علامہ اقبالؒ کی زندگی کو اگر صرف ان کی شاعری کے آئینے میں دیکھا جائے تو ان کی شخصیت کا ایک بڑا حصہ ہماری نظروں سے اوجھل رہ جاتا ہے۔ وہ شاعر ضرور تھے، مگر ان کی شاعری ان کے فکر، دردِ ملت اور روحانی تجربے کا اظہار تھی۔ ان کی قرآن سے وابستگی، مسلمانوں کے مسائل پر آخری دم تک غور و فکر، بیماری کے باوجود ان کے حوصلے اور موت کے سامنے ان کا اطمینان اس بات کی نشان دہی کرتا ہے کہ اقبالؒ کے لیے زندگی محض ذاتی آسائش کا نام نہیں تھی بلکہ ایک مقصد کے تحت بسر کی جانے والی امانت تھی۔
ڈاکٹر رفیع الدین ہاشمیؒ کی کتاب ’’علامہ اقبال: شخصیت اور فن‘‘ کی اہمیت بھی اسی مقام پر سامنے آتی ہے۔ اس کتاب کے ذریعے اقبالؒ کی شخصیت کے ان پہلوؤں تک رسائی ملتی ہے جو محض ان کا کلام پڑھنے سے پوری طرح سامنے نہیں آتے۔ ہاشمیؒ نے تحقیق اور حوالہ کے ذریعے اقبال کے شخصی اور فکری وجود کو سمجھنے کی کوشش کی اور اس طرح اقبالیات کے ذخیرے میں ایک ایسا کام شامل کیا جو عام قاری اور سنجیدہ طالبِ علم، دونوں کے لیے مفید ہے۔ کتاب کی اشاعت 2008ء میں اکادمی ادبیات پاکستان سے ہوئی اور اس کے 280 صفحات ہیں۔
اقبالؒ پر لکھنے والوں کی تعداد اور اقبالیات کا پھیلاؤ اس بات کا ثبوت ہے کہ ان کی شخصیت وقت گزرنے کے ساتھ ختم ہونے والا موضوع نہیں، بلکہ ہر نئی نسل کے لیے نئے سوالات پیدا کرنے والی ایک زندہ فکری روایت ہے۔ شاید یہی وجہ ہے کہ اقبال پر مسلسل تحقیق ہوتی رہی اور آج بھی ان کے فکر و فن کو نئے زاویوں سے سمجھنے کی ضرورت محسوس کی جاتی ہے۔
ڈاکٹر رفیع الدین ہاشمیؒ کی یہ کتاب ہمارے لیے محض ایک مطالعہ نہیں بلکہ اقبالؒ کی شخصیت کے ایک اہم باب سے تعارف کا ذریعہ ہے۔ اور شاید اس کتاب سے اقبالؒ کے آخری ایام کا یہ واقعہ سننے کے بعد قاری کے دل میں بھی یہی احساس پیدا ہو کہ ایک عظیم شاعر کی زندگی کا آخری منظر بھی اسی قرآن، اسی ملت اور اسی اللہ کی یاد سے جڑا ہوا تھا جس کا ذکر اس کی زندگی بھر کی فکر اور شاعری میں بار بار ملتا ہے۔
